ЭКСПО-2017 нысандарының құрылысы мамыр айының ортасында аяқталады – А.Есімов

21 Сәуір, 2017 13:02

ЭКСПО-2017 нысандарының құрылысы мамыр айының ортасында аяқталады. . Бұл туралы Бүгін Қазақстан Республикасының Президенті Нұрсұлтан Назарбаевтың төрағалығымен Халықаралық мамандандырылған «Астана ЭКСПО-2017» көрмесіне дайындық бойынша кеңесте «Астана ЭКСПО-2017» ҰК» АҚ басқарма төрағасы Ахметжан Есімов мәлімдеді.

А.Есімов айтып өткендей, бүгінгі таңда көрменің 20 нысан құрылысының 18-і аяқталды.

«Екі нысан бойынша құрылыс жүруде. Бұл конгресс-орталық пен қонақ үй. Қонақ үй бойынша - жоба қайта өңделді. Одан бөлек, Елбасының тапсырмасымен инвесторларды тарттық. Нәтижесінде оның құны 20 млрд-қа азайды. Инвестордың қатысуымен бюджеттік қаражат шығыны 30 млрд теңгеге қысқартылады. Конгресс орталық Президенттің тапсырмасы бойынша қайта жобаланды»,- деді спикер.

Оның айтуынша, бұл нысанның қызметтік мүмкіндігін арттырып, шығынды 9 млрд теңгеге қысқартты.

А.Есімов айтып өткендей, ЭКСПО-2017 туралы жарнама Евроньюс, Дискавери, CNN CNBC National Geographic сынды әлемдік телеарналарда айналымда жүр.

Астанада Қазақстан Республикасының Президенті Нұрсұлтан Назарбаевтың төрағалығымен Халықаралық мамандандырылған «Астана ЭКСПО-2017» көрмесіне дайындық барысы бойынша кеңес өтіп жатыр.

Ақбота Күзекбай

Барлық жаңалықтар