«Нұр Отан» жұмыс істеудің жаңа әдісіне көшеді – Б. Берсебаев

20 Желтоқсан, 2013 12:23

Саяси Доктринаны талқылауға арналған халықаралық конференция барысында «Нұр Отан» партиясы хатшысының міндетін атқарушы Болат Берсебаев партияның жұмыс істеудің жаңа әдісіне көшетінін атап айтты,деп «Нұр Отан» партиясының баспасөз қызметі хабарлады.

«Партия көшбасшысы Нұрсұлтан Назарбаевтың тапсырмасы бойынша саяси Доктрина негізінде «Нұр Отанның» Орталық аппараты мен филиалдарының жұмыс әдістерін өзгерту жөнінде жұмыс басталды. Доктринада партия өз жұмысын тиімділік, ашықтық, есеп берушілік пен жауапкершілік принциптеріне құратынын белгілеген болатынбыз. Тек сол арқылы қоғамның партияға деген сенімін нығайта аламыз. Атап айтқанда, тиімділікті арттыру мақсатында партияның Орталық аппараты мен филиалдарында партия жұмысы жүйесін автоматтандыру жүргізіліп, жобалық әдістер енгізілді, сонымен қатар қызметкерлерімізді тұрақты оқыту тұру енгізілді», - деп атап өтті Б. Берсебаев.

Сондай-ақ ол партия халықпен кері байланысқа үлкен назар аударып отырғанын атап көрсетті.

«Партияның ашықтығын арттыру бағытындағы жұмыс аясында «Электрондық партия» жобасын жүзеге асырудамыз. Партияның 241 қоғамдық қабылдау бөлмесін орталықтандыру жөнінде жұмыс атқарылды. Сондай-ақ азаматтардың қоғамдық қабылдау бөлмелеріне жасаған өтініштерінің бірыңғай мәліметтер базасын жасадық. Бұл азаматтардың нақты мәселелерімен танысып, дер кезінде шешуге мүмкіндік береді», - деп қорытындылады Болат Берсебаев.

Барлық жаңалықтар