ҚР Парламенті БҰҰ операцияларына бақылаушы ретінде 20 қазақстандықты бағыттауға келісім берді
20 Желтоқсан, 2013 11:30
Қазақстанның жоғарғы және төменгі палаталары 20 қазақстандық офицерді БҰҰ бақылаушысы ретінде жіберуді мақұлдады, деп BNews.kz хабарлады.
«Қорғаныс министрі Әділбек Жақсыбеков екі палатаның біріккен отырысында үндеудің мәтінін оқыды. БҰҰ-ның миссияларына қатысуға Гаитиге, Батыс Сахараға, Кот-д'Ивуар және Либерияға әрбір миссия бес адамнан тұратын ҚР Қарулы күштерінің офицерлерін бақылаушылар ретінде жіберу туралы ұсынысты қолдауларыңызды сұраймын», - делінген хабарламада.
Президенттің бұл ұсынысына Парламент палаталарының депутаттары бірауыздан қолдау танытты. Сенаттың отырысқа қатысқан 45 және Мәжілістің 106 депутаты жақтап дауыс берді.
