АӨК несиелендіруде «ҚазАгро» Ұлттық холдингінің үлесі 50 пайызға жетті
20 Желтоқсан, 2013 11:14
Қазақстан ауыл шаруашылығы кешенін несиелендірудің жалпы көлемінен «ҚазАгро» Ұлттық Холдингінің үлесі 50 пайызға жетті, деп холдингтің баспасөз қызметі хабарлады.
«2013 жылы республикамыздың ауыл шаруашылық кешенін несиелендіруге холдингтің қаржылық институттары тарапынан 171 млрд теңге бағытталды», - делінген хабарламада.
Іс-шарада айтылып өткендей холдингтің қаржыландыру құрылымында басым бөлігін шағын және орта бизнес өкілдері алады. Бұл саланы қолдау несиелік серіктестерді, тұтыну кооперативтерін және ауылдағы микронесиелендіру жүйесін қаржыландыру бағдарламалары арқылы жүзеге асырылады.
Бүгінгі күні «ҚазАгро» Ұлттық Холдингі компаниялар тобының клиенттер базасы 22 мыңнан астам ауыл шаруашылық тауар өндірушілерді құрайды.
