Астанада «Қазақстанның ең үздік тауары» республикалық конкурсының жеңімпаздары анықталады
20 Желтоқсан, 2013 10:54
Бүгін, 20 желтоқсан Индустрияландыру күніне қарсы Тәуелсіздік сарайында «Қазақстанның ең үздік тауары» репсубликалық көрме-конкурсы өткізілуде, деп Индустрия және жаңа технологиялар министрлігінің баспасөз қызметі хабарлады.
«Қазақстанның ең үздік тауары» республикалық көрме-конкурсы 2001 жылдан бастап өткізіледі», - делінген хабарламада.
Көрме-конкурсының негізгі мақсаттары – отандық кәсіпорындар мен ұйымдардың өнімнің сапасын арттыруға бағытталған қызметін белсендіру; Қазақстанның нарығын жоғары сапалы әрі бәсекеге қабілетті өнімге толтыруға жәрдемдесу және сапа идеяларын танымал ету.
Сапа саласында конкурстарды өткізу қазақстандық кәсіпорындарда сапа менеджментін дамытуға жағдай жасауға арналған. Бүгінгі күні 5803 астам кәсіпорын өздерінде ИСО халықаралық стандартының сапа менеджментінің жүйелерін енгізді.
