О.Перепечина АҚШ-тағы Дүниежүзілік парламенттік конференцияға қатысып жатыр
18 Сәуір, 2017 12:57
ҚР Парламенті Сенатының қаржы және бюджет комитетінің мүшесі Ольга Перепечина жұмыс сапары аясында АҚШ-тың Вашингтон қаласындағы Дүниежүзілік парламенттік конференцияға қатысуда.
Шараның күн тәртібі келесі тақырыптарға зейін қойған: жұмыс орнын құру арқылы экономикалық өсімді жеделдету, жемқорлықпен күрес және мемлекеттік басқаруды жақсарту, балаларды ерте дамыту есебі бойынша адами капиталға инвестиция құю, көші-қонның экономикалық және әлеуметтік салдарымен күресу, кәсіптік машық пен әлеуметтік интеграцияны дамытуға жәрдемдесу.
Шараны Дүниежүзілік банк пен Халықаралық Валюта Қоры парламенттік желісі ұйымдастырды.
Форум жұмысына экономикалық даму, серіктестік парламенттік ұйым өкілдері, ДБ мен ХВҚ мүше елдерінің 200-ге жуық парламентшісі қатысты.
