Шымкентте шамамен 320 мың қызғалдақ егілді
17 Сәуір, 2017 10:02
Шымкентте шамамен 320 мың қызғалдақ егілді, деп хабарлады ОҚО әкімдігінің баспасөз қызметі.
Өздеріңіз білетіндей, қызғалдақ - қаламыздың символы. Сондықтан да бұл гүлдің түрі Шымкентте көптеп егілуі заңды. Биылғы жылы қалада 320 мың шамасында қызғалдақ егілді.
Бұл нәзік көктем гүлі субұрқақ кешендері мен қала көшелерін әшекейлендіріп, қызылды-жасылды алуан түрліөсімдік қаланың ажарын аша түсті.
Шымкентке Польшадан әкелінген қызғалдақтың тұқымын мамандар қаңтар айында отырғызған. Олардың айтуынша, қызғалдақтың тұқымын қыста отырғызу қалыпты тәжірибе, өйткені қар астында жайлы сезінеді.Гүлдің бұл түрі ежелгі парсы аңыздарында мадақталған. Шыққан мекені Парсы елі болып табылатын қызғалдақты әлемге әйгілі еткен Нидерланды мемлекеті.
