130 петропавлдық отбасы қоныс тойын тойлауда
19 Желтоқсан, 2013 18:00
Петропавлда 130 отбасы баспаналы болды, деп хабарлайды Солтүстік Қазақстан облысы әкімдігінің баспасөз қызметі.
«Қуаныш иелеріне облыс әкімі Самат Ескендіров салтанатты түрде пәтер кілттерін табыстады. Халық алдына шығып сөйлеген сөзінде ол былай деді: «Елімізде халықты баспанамен қамту жұмыстары қарқынды жүріп жатыр. Бүгінгі қуаныштарыңыз соның жарқын дәлелі. «Қолжетімді баспана-2020» бағдарламасы аясында жыл басынан бері 65,7 мың шаршы метр тұрғын үй, яғни 594 пәтер салынды. Жалпы, 2013 жылы бұл көрсеткішті 113,2 мың шаршы метрге көтеру жоспарланған», - делінген хабарламада.
Өңір басшысы қоныс иелерінің қуаныштарына ортақтасып, баспананың құтты болатынына сенім білдірді.
«Бәрінен бұрын құрылысшыларға сапалы жұмыстары үшін алғыс айтамыз. Баспана иелері тұрғын үйді салуға еңбек еткен жұмыскерлердің еңбегін бағалайды деп сенемін», - деді облыс әкімі.
