2013 жылы Павлодар облысында ШОБ-ті несиелеу 16 пайызға өсті

19 Желтоқсан, 2013 17:05

Биыл шағын және орта бизнеске банктердің кредит беруі Павлодар облысында 16 пайызға өсті, деп облыс әкімдігінің баспасөз қызметі кәсіпкерлік және сауда басқармасының басшысына сілтеме жасай отырып хабарлады.

«Қарашаның басында облыстағы шағын және орта бизнес кәсіпорындары 294 млрд. теңгеге тауар өндірген, бұл өткен жылдың осы кезеңіне қарағанда бір пайызға көп. Бизнестің осы санатынан бюджетке түскен салық 43,5 млрд. теңгені құрады», - делінген хабарламада.

«Бизнестің жол картасы-2020» бағдарламасы бойынша өңірдегі шағын және орта кәсіпкерліктің 450 жобасы іске асырылуда. Республикалық бюджеттен кредиттеудің мөлшерлемесін субсидиялауға, кәсіпкерлерге қайтарылмайтын гранттарды бөлуге және өндірістік инфрақұрылымда дамытуға 3,7 млрд. теңге қарастырылды.

Кәсіпкерлердің бастамалары қаржылық көмек пен консалтингілік қолдауға ие болуда. Облыста бизнеске қызмет көрсету орындары ашылып, кәсіпкерлікті дамыту орталықтары, оның ішінде көшпелі орталықтар да жұмыс істейді.

Барлық жаңалықтар