Паспорттың барлық түрі үшін визасыз жүйе 5 латынамерикалық елмен орнатылды – ҚР СІМ

19 Желтоқсан, 2013 16:30

ҚР СІМ 5 латынамерикалық елмен визасыз жүйе орнатты, деп мәлімдеді ҚР Сыртқы істер министрі Ерлан Ыдырысов Орталық коммуникациялар қызметінің брифингінде.

«Келер жылы біз Мексикадағы Қазақстан елшілігін ашуды жоспарлап отырмыз. Бұл ел өңірдегі жетекші елдердің бірі болып саналады. Айта кету керек, Чили мен Аргентина арасында дипломатиялық және қызметтік паспорты бар адамдарға виза жүйесін алып тастау туралы келісімге келдік. Ал Бразилия, Эквадор және Колумбиямен паспорттың барлық түрі үшін визасыз жүйе орнатылды», - деді Ыдырысов.

Оның айтуынша, Оңтүстік Африка Республикасы таңдауы бұл елдің маңызды экономикалық және саяси мәнге ие екенін көрсетеді.

«2013 жылы біз Африка және Латын Америка елдерімен жан-жақты байланыс құруға молынан күш салдық. Бірнеше жыл бұрын Мемлекет басшысы ОАР-да елшілік ашуға қол қойған еді. Ал кейінгі жылы біз Эфиопияда Елшілік ашуды жоспарлап отырмыз. Оның G20 тобының мүшесі болып табылатыны белгілі. Өз кезегінде Эфиопия өңірлік держава ғана емес, Африканың саяси астанасы ретінде де ықпалға ие. Биыл Қазақстан Африка бірлігімен саяси, экономикалық мәселелерде африка құрлығының ахуалына араласуда», - деді Ерлан Ыдырысов.

Сонымен қатар, латынамерикалық бағытта да айтарлықтай жетістіктер бар. Әсіресе, Бразилия, Чили, Аргентина және Мексикамен жақсы қатынас орнаған.

Айта кету керек, бұл елдермен тауар айналымы 2012 жылы 500 млн доллардан асқан.