Қазақстанда жылқы саны 9,1%-ға көбейді
13 Сәуір, 2017 08:42
Қазақстанда жылқы саны 9,1%-ға көбейді, деп хабарлады ҰЭМ Статистика комитетінің баспасөз қызметі.
2017 жылғы 1 қаңтардағы жағдай бойынша ауылшаруашылық өндірушілердің барлық санаттарындағы жылқы саны 9,1%-ға, түйе 5,6%-ға, ірі қара мал 3,7%-ға, құс – 3,6%-ға, қой мен ешкі 0,9%-ға ұлғайды. Шошқа саны – 6,0%-ға кеміді.
«Мал басы негізінен жұртшылық шаруашылықтарында шоғырланған: ірі қара мал – 59,2%, қой мен ешкі – 59,1%, шошқа – 57,0%, түйе – 53,4%, жылқы – 50,5%. Құс саны ауыл шаруашылығы кәсіпорындарында шоғырланған (жалпы санынан 69,2%)», - делінген хабарламада.
2015 жылмен салыстырғанда еттің барлық түрлерінің тірідей салмақтағы өндірісі 3,1%-ға ұлғайды. Сүт 3,1%-ға көп сауылды, жүн – 1,3%-ға және жұмыртқа 0,5%-ға жоғары алынған.
