Ерейментауда жетім балаларға пәтер кілттері табысталды
12 Сәуір, 2017 16:07
Ерейментау аудан әкімдігінде салтанатты түрде жеті жетім балаға жаңа пәтірдің кілті берілді, деп хабарлады Ақмола облысының аймақтық коммуникация қызметі.
Ерейментау аудан әкімдігі ата-ана қамқорлығынсыз қалған балаларға ұсыну үшін Ерейментау қаласында екі үш бөлмелі, екі екі бөлмелі және екі бір бөлмелі пәтерді және Новомариновка ауылында бір үй сатып алды.
Жаңа пәтер иелерінің атынан Арман Жұмашев тағдыр тәлкегіне ұшырап ата- анасыз қалған балаларға көрсетілген қамқорлық үшін алғыс білдірді.
Содан соң, Ерейментау ауданының әкімі жас жерлестерін қоныс тойымен құттықтап, ауданды одан әрі дамыту міндеттерімен бөлісті.
