Ақмола облысында 75 отбасы баспанаға ие болды
19 Желтоқсан, 2013 15:45
«Қол жетімді тұрғын үй-2020» бағдарламасы аясында Ақмола облысы, Жарқайың ауданы Державинск қаласында 75 пәтерлі жаңа тұрғын үй пайдалануға берілді.
«Жаңа баспана кілттері соғыс ардагерлеріне, әке-шешесінің қамқорынан айрылған балаларға, мемлекеттік қызметкерлерге, мүгедектерге, тұрмысы төмен отбасыларына берілді», - делінген хабарламада.
Атап айту керек, «Қол жетімді тұрғын үй-2020» бағдарламасы бойынша Жарқайың ауданында соңғы 7 жылда барлығы 18,1 мың шаршы метрді құрайтын 386 пәтер кілті табысталған.
Алдағы уақытта да бұл жұмыстар жалғасатын болады.
