ҚР СІМ 2014 жылы АТА елдерімен ынтымақтастықты кеңейтуді жоспарлауда

«Азиядағы саяси және экономикалық дамудың қазіргі қарқыны Азия-Тынық мұхит аймағы (АТА) елдерімен екіжақты және көпжақты байланыстарды кеңейтуде талап етеді. Осыған орай, біз барлық күш-жігерімізді АТА елдерімен арадағы экономикалық және инвестициялық-технологиялық әлеуетті барынша дамытуға, Қазақстанның экспорттық және ауыл шаруашылығы өнімдері үшін аталмыш аймақтағы жаңа нарықтар анықтауға жұмсайтын боламыз», -деп хабарлады министр.

Е.Ыдырысов сондай-ақ, аймақтың Жапония, Оңтүстік Корея, Сингапур сияқты дамыған елдерімен арадағы ынтымақтастық жаңа технологиялармен алмасуға, энергия және су үнемдеуші технологияларды енгізуге, кадрлар даярлауға негізделгенін атап көрсетті.

«Азиялық-Тынық мұхит аймағымен ынтымақтастықты кеңейту Сыртқы істер министрлігінің 2014 жылғы жұмысының негізгі басымдығының бірі болмақ. Қазақстанның Вьетнамдағы елшілігінің ашылуы және Қазақстанның Таиландтағы дипломатиялық миссиясының елшілік болып қайта құрылуы өңірге деген қызығушылықтың арта түскенін көрсетеді», деп түйіндеді Е.Ыдырысов.