ОҚО-да «Нұрлы жол» бағдарламасы аясында 66 көпқабатты тұрғын үй пайдаланылуға беріледі

Оның айтуынша, аймақта «Нұрлы жол» мемлекеттік бағдарламасы екі бағыт бойынша жүзеге асырылуда. Бірінші бағдарлама – жергілікті атқарушы органдар арқылы «Бәйтерек Девелопмент» АҚ желісі бойынша тұрғын үй құрлысын жүргізу.

«Мысалы, ағымдағы жылы әкімдік жалпы алаңы 31,6  мың шаршы метр болатын 558 пәтерден тұратын 11 тұрғын үйді пайдалануға беруді  жоспарлауда. «Бәйтерек Девелопмент»АҚ желісі бойынша жалпы алаңы 180 мың шаршы метр болатын 3086 пәтерден тұратын 55 тұрғын үйді пайдалануға беруді көздеп отыр. Осылайша облыста 2018 жылға дейін «Нұрлы жол» бағдарламасы аясында «ТҮҚЖБ»АҚ желісі бойынша  226,2 мың шаршы метрден астам тұрғын үй пайдаланылуға беру көзделген», – деді Қ. Мәліков.

Сонымен қатар ол атап өткендей, барлық мемлекеттік тұрғын үй бағдарламасы «Нұрлы жер» бағдарламасы шеңберінде жүзеге асырылатын болады және жеке тұрғын үй құрылысын несиелендіру қарастырылған.

Брифинг барысында ағымдағы жылдың 3 сәуірінен бастап директорлар кеңесінің шешімімен тұрғын үй құрылысы жинағы туралы келісімге отыру немесе келісім шарт сомасын арттыру үшін комиссиясы 0 теңге көлемінде бекітілгені белгілі болды.

Естеріңізге сала кетейік, бұған дейін депозит сомасын арттыру және көрсетілген қызмет түрі үшін комиссия келісім шарт сомасының 0,55% құраған.