• Басты
  • Таразда Балалар университеті ашылды (ФОТО)

Таразда Балалар университеті ашылды (ФОТО)

11 Сәуір, 2017 18:49
Тараз мемлекеттік педагогикалық институтында Балалар университеті ашылды. Бұл туралы ТарМПИ ақпараттық-имидждік қызметінің жетекшісі Жандар Асан хабарлады.

Жоба алғашқы баспалдағын жаратылыстану бағытындағы салалар бойынша жүргізсе, осы фестивальде мектеп оқушыларының шығармашылық қабілетін арттырып, өнерге, спортқа қызығушылықтарын ояту мақсаты назарға алынған.

Фестиваль 8 секцияға бөлініп, дизайн, сурет, спорттық жаттығулар, хореография, әскери дайындық, аспаптар үйрену салаларында түрлі практикалық сабақтар өткізді. Тараз қаласы мектептерінің қатысуымен 80-ге жуық оқушылар келіп, білім алды.

Институтта қолөнермен айналысуға, тоқыма ісі мен тоқуды жүзеге асыруға, спорттың кез келген түрін меңгеруге, аспаптарда ойнап-үйренуге барлық мүмкіндік жасалған. Практикалық сабақты ҚР Суретшілер одағының мүшелері, ҚР Мәдениет саласының үздіктері, Халықаралық көрмелер қатысушылары, спорт шеберлері, Халықаралық би ЮНЕСКО мүшелері, Мәдениет қайраткерлері өткізді.

Кешенді тәжірибе жүргізуге педагогикалық институттың базасында толық жағдай жасалған. Оқу орнында студенттер мен мектеп оқушыларының робототехника бойынша ғылыми-техникалық шығармашылық қабілетін дамыту мақсатында "Электротехника", "Радиотехника", "Электроника негіздері" және "Мектептегі робототехника" оқу-зертханалары жұмыс істейді.

Дәрісханалар Lego, Tetrix, Аrduino роботтарымен, заманауи құрылғылармен, оқу-әдістемелік және бағдарламалық  нұсқаулықтармен  жабдықталған. Сонымен қатар, Физика-математика факультетінің Жамбыл облысындағы орта және арнайы мектептеріндегі информатика пәні мұғалімдерінің робототехника, электроника негіздері мен радиотехника пәндері бойынша біліктілігін көтеруге арналған материалдық және ресурстық базалары бар.

«Оқушылардың өз бейіміне қарай дәл сол салада терең білім алып, маман атануы Еліміздегі маман тапшылығы мен жұмыссыздық мәселесінің реттелуіне өз пайдасын тигізері анық», - деді  ұйымдастырушылар.

 

Барлық жаңалықтар