ЕЭК ортақ қаржы нарығын қалыптастыру тұжырымдамасын жасақтауда
11 Сәуір, 2017 11:54
Алматыда өткен дөңгелек үстелде ЕАЭО мен ЕЭК-ке мүше мемлекеттердің ұлттық (орталық) банктері, министрліктері мен қаржы-экономикалық ведомстволарының өкілдері Еуразиялық экономикалық одақтың ортақ қаржы нарығын қалыптастыру мәселесін талқылады.
Тұжырымдаманы жасақтау туралы шешімді ЕЭК қабылдаған болатын. Тұжырымдама жасақталып біткен соң Жоғарғы Еуразиялық экономикалық кеңестің қарауына жіберіледі.
ЕЭК хабарлағандай, құжат ЕАЭО туралы келісімде көрсетілген ортақ қаржы нарығын құру туралы механизмді нақтылауы тиіс. Яғни, құқықтық негіз, мерзімдер, ортақ қаржы нарығының негізгі бағыттары мен оны құруға көмектесетін құралдар мен даму жиектері анықталып көрсетілгені жөн.
Жалпы, дөңгелек үстелдің қорытындысы бойынша тараптар болашақ құжаттың құрылымын өзара келісті. Тұжырымдаманы талқылауға арналған келесі отырыс Ереванда 26 сәуірде өтеді.
