Н. Назарбаев мемлекетаралық «МИР» телеарнасына сұхбат берді
10 Сәуір, 2017 21:01
Қазақстан Президенті Ұжымдық қауіпсіздік шарты ұйымының мерейтойына орай мемлекетаралық «МИР» телеарнасына сұхбат берді, деп хабарлады Ақорданың баспасөз қызметі.
Мемлекет басшысы телеарнаның Ұжымдық қауіпсіздік шарты ұйымының өңірлік қауіпсіздікті қамтамасыз етудегі рөлі, ұйымның институционалдық дамуы және бұл үдерістерге Қазақстанның қосқан үлесі жөніндегі сауалдарына жауап берді.
Сұхбат барысында Нұрсұлтан Назарбаев өңірдегі жаңа сын-қатерлер мен қауіптерге қатысты өз ойын ортаға салып, оған қарсы Ұжымдық қауіпсіздік шарты ұйымы аясында күресудің ұжымдық шаралары туралы әңгімеледі.
Сондай-ақ, Қазақстан Президенті Ұжымдық қауіпсіздік шарты ұйымы мен НАТО-ның ұқсастығы жөнінде пікір білдіріп, бұл ұйымдардың сипаты мен құрылуындағы міндеттерінің айырмашылықтарына тоқталды.
