Атырау облысында «Жасыл ел» студенттер жасағы үш есеге артады

Биылға дейін 11 жыл ішінде бағдарламаны іске асыру барысында жыл сайын 600-ден астам студент жұмыс атқарған, бұл жылы олардың саны екі мыңға дейін артпақ.

«Мамыр айында жұмыссыз жастардан тұратын жасақ өз жұмысын бастайды, ал маусым айынан студенттік жасақ жұмылдырылады. Бұдан басқа, біз студенттер санын арттырдық, сондай-ақ, жалақыларын көтердік-егер, бұрын олар 47 мың теңге алса, биыл салық және әлеуметтік аударымдарды ескере отырып 60 мың теңге алатын болады», - делінген хабарламада.

Бұл, әкімшілік тарапынан көрсетілген қолдаудың арқасында, яғни, трансферт арқылы жергілікті бюджеттен бағдарламаға арналған қаражат санын  арттыру тапсырмасы арқасында мүмкін болып отыр.

Осылайша 2017 жылы Атырау облысында жастарды жұмыспен қамтамасыз ету «Жасыл Ел»  бағдарламасы шеңберінде іске асыруға жалпы алғанда 140 миллион теңге, оның ішінде республикалық бюджеттен- 39, жергілікті бюджеттен-101 миллион бөлініп отыр. Осылайша жастар қаланың көгалдандыру және санитарлық тазалауымен айналысатын болады, сондай-ақ, соның ішінен құрылыс отрядтары жасақталып, мемлекеттік бағдарлама шеңберінде салынып жатқан нысандарға жұмысқа жұмылдырылатын болады.

Бағдарлама қатысушысы атану үшін – студенттер, zhasatyrau.kz сайтында тіркеле алады немесе өз оқу орындарынан толығырақ білуге болады.