ШҚО-да «Ертіс» ӘКК қаражатына төрт көпқабатты үй салынады

7 Сәуір, 2017 13:02

Шығыс Қазақстан облысының әкімі Даниал Ахметов «Ертіс» ӘКК» ҰК» АҚ қаражатына құрылыс жүргізу бойынша кеңес өткізді, деп хабарлады облыс әкімдігінің баспасөз қызметі.

Бюджеттік қаражат аясында «Ертіс» ӘКК арқылы биыл пайдалануға 298 пәтерлік 4 көпқабатты үй беріледі. Оның ішіндегі 238 пәтерлік үш үй Өскеменде, 60 пәтерлік бір үй Семейде салынады. Тұрғын үй Қазақстанның Тұрғын үй құрылыс жинақ банкі арқылы жүзеге асырылады.

« «Ертіс» ӘКК қосымша инвестициясы мен қайтарылма қаражаты есебінен Өскемен, Семей, Аягөз қалаларында 13 үйдің құрылысы жүзеге асырылады. Семейде «Қарағайлы» шағын ауданында 5 жаңа мекеме ашылады. Өскемен қаласының Сәтпаев көшесінде оңалту орталығы мен театр аралығында 5 үйді қамтитын тұрғын кешені салынып жатыр», - делінген хабарламада.

Облыс орталығындағы құрылыс «Ертіс» ӘКК пен «Техногруп» ЖШС инвестициясына жүзеге асырылады. Кешен 216 пәтерлік 9 қабатты 5 үйден тұрады. Оны Тұрғын үй құрылыс жинақ банкі аясында өңірлік тұрғын үй құрылысы бағдарламасы бойынша жүзеге асырмақ. 1 шаршы метрдің құны 165 мың теңге. Нысанды пайдалануға беру 2018 жылға жоспарланған.

Барлық жаңалықтар