Ақмола облысында жаңа кәсіпкерлік ашылды

«Ақмола облысы, Бұланды ауданында дән өңдеу цехы іске қосылды. Жаңа кәсіпорынның қуаты тәулігіне 2 тоннадай астықты өңдеуге жетеді. Жалпы құны 44 млн теңге болатын кәсіпорында «Нанар» ЖШС өз қаржысына салған», - делінген хабарламада.

Цехтың ашылуы ауылдың 10 тұрғынына тұрақты жұмыс орнын берді. Атап айту керек, өндіріс орнында бидайдан басқа, арпа, сұлы, ұнтақ, жармасын өңдеуге болады. Өндіріс орнында өңделген өнімді 800 грамдық қаптама орамасымен шығаруға болатын арнайы желі де қарастырылған. Кәсіпорын жанында 60 мың тонна астық сақтауға арналған қойма да бар. 

Цехтан өңделген дәнді дақылдардан шығарылған өнімнің 60 пайызы ішкі нарыққа, 40 пайызын экспортқа бағытталады. Қазірдің өзінде өндіріс орнының өніміне Ауғаныстаннан ұсыныс түсіп жатыр.