Шымкентте мектепке дейінгі мекемелермен қамту 87,5 пайызға жеткізіледі

Ж. Тажиеваның мәлімдеуінше, аталмыш бағдарламаның аясында арнайы іс-шаралар жоспары түзіліп, 2 мақсат және 41 нысаналы индикаторлар белгіленген.  Бірінші бағдарламалық мақсат - мектепке дейінгі сапалы тәрбие мен оқытуға тең қол жеткізуді қамтамасыз ету

Екінші бағдарламалық мақсат  -  сапалы орта білім беруге тең қол жеткізуді қамтамасыз ету, зияткер, дене бітімі және рухани жағынан дамыған, табысты азаматты қалыптастыру.

Білім бөлімі басшысының айтуынша, 2016 жылдың қорытындысымен белгіленген нысаналы индикаторлық көрсеткіштер толығымен орындалған.

« 2016 жылы жалпы 386 мектепке дейінгі мекемелерде 53 213 бала қамтылған, оның ішінде, 3-6 жастағы балаларды қамту деңгейі 82,8%, яғни  51 005 баланы құрады. 2017 жылға белгіленген меже 87,5%. Оған жету үшін қосымша 4 500 баланы қамту қажет», - деп айтты Ж. Тажиева.

Осыған қоса, жиналыс барысында мектептердегі орынның жетіспеушілігі жайлы сөз қозғалып, 2017 жылы үш ауысымда сабақ өткізетін мектептердің үлесін азайтылатыны мәлемделді. Бұдан басқа, оқушыларды мектептен тыс мекемелермен қамту және  білім беру мекемелерін оқулықтармен қамтамасыз ету мәселелері қарастырылды.

Айта кетерлігі, қала әкімі жақында қолдана бастаған электронды журнал жүйесі оқушылар арасындағы қылмыстың азаяуына оң ықпалын тигізгенін атап өтті.