Павлодар облысында 50 ғимарат жеке меншікке берілді
«Облыстық коммуналдық меншікте 1159 нысан бар, олардың жалпы аумағы 1,1 миллион шаршы метрді құрайды. Осы нысандардың 56-ы қаңырап тұр. Ал, олардың жалпы көлемі – 15 мың шаршы метр. Мәселен, Павлодар ауданында облыстық коммуналдық меншіктегі 82 нысан болса, олардың сегізі бос тұр. Олардың ішінде Мичурин балалар үйінің балансында тұрған екі жатын корпустары мен Красноармейка агротехникалық колледжінің балансындағы бірнеше нысан – қазандық, зертханалық кешен, гараж және басқалар бар. Новоямышево ауылында гараж бен шеберхана ғимараттары бос тұр. Олардың жағдайы да мәз емес», - деді ол.
Білім беру басқармасының басшысы Бақыт Бексейітова балалар үйінің жатын корпустары тәрбиеленушілердің саны аз болғандықтан бос тұрғанын айтып, бұл мекемені жабу жоспарланғанын айтты. Балалар үйінің ғимаратына жөндеу жұмыстары жүргізіліп, ол жерде балаларға арналған сауықтыру лагері ашылады. Агротехникалық колледждің нысандарына келер болсақ, зертханалық кешенді қалпына келтіріп, мақсатты түрде қолдану көзделсе, колледждің қазандығын аудан меншігіне беру жоспарланып отыр.
«Екі жылдан кейін олар мүлдем керексіз болып қалады. Бос тұрған ғимараттарды кәсіпкерлерге берсек, олар нысандарды қалпына келтіріп, қажетіне жаратар еді. Егер, бұл нысандар мемлекетке қажетсіз болса, оларды жекешелендіруге немесе сенімгерлікпен басқаруға беру керек», - деді облыс әкімі Болат Бақауов.
