Қазақстандықтар тіркелу ауданына қарамастан мемлекеттік қызметке ие бола алады - ККМ
«ХҚКО-нда тіркелу ауданына қарамастан және аумақтан тысқарылық принципі бойынша азаматтарға қызмет көрсету тұрғындар арасында ең талап етілген мемлекеттік қызметтерге қолдану ұйғарылып отыр. Қазір екі қаланың тұрғындары ноу-хау мүмкіндіктерін төлқұжат пен жеке куәлікті алу кезінде пайдалана алады», - делінген хабарламада.
«Астана және Алматы тұрғындары қазірден бастап өздерінің қаласындағы кез келген ХҚКО-на куәландіру құжатын алу үшін бара алады. Мемлекеттік қызметті алу үшін оларға мекен-жай анықтамасын көрсетудің қажеті жоқ. Осылайша аумақтан тысқарылық принципі мемлекеттік қызметтерді алу шартын жеңілдетіп қана қоймай, сонымен бірге тұрғындардың ақшалы шығындарын үнемдейді» - деп, белгіледі ҚР Көлік және коммуникация вице-министрі Сәкен Сәрсенов.
Сонымен бірге ол келешекте аумақтан тысқарылық принципін ең талап етілген қызметтерге қолдануға және басқа қалаларда енгізуге жоспарланғанын айтты. Одан басқа келешекте мемлекеттік қызметтерді басқа аудандарда ғана алып қоймай, басқа қалада да алуға болады. Бұл мәселе бойынша қазір мемлекеттік органдар жұмыс жасауда.
