ШЫҰ ЭКСПО-2017 көрмесінде өз павильонын таныстырады

5 Сәуір, 2017 16:07

ЭКСПО-2017 ұйымдастырушысының кеңсесінде «Астана ЭКСПО-2017» ҰК" АҚ Басқарма Төрағасы Ахметжан Есімовтың Шанхай Ынтымақтастық Ұйымының Бас Хатшысы Рашид Әлімовпен кездесуі өтті, деп хабарлады Ұлттық компанияның баспасөз қызметі.

Тараптар Халықаралық мамандандырылған Көрмеге дайындықты, сондай-ақ Қазақстан астанасында ЭКСПО-2017 көрмесінің ашылу күнінде өз жұмысын бастайтын ШЫҰ мүше мемлекеттері басшыларының Саммитін талқылады.

«ШЫҰ-ның бұл Саммиті тарихи оқиға болмақ. Басты ерекшелік дәл сол 9 маусымның кешінде біз Астанада өзге, бұдан да мықты ұйымды қабылдайтын боламыз», - деп атап көрсетті ШЫҰ Бас Хатшысы Рашид Әлімов.

Р. Әлімов өз сөзінде ШЫҰ үшін өзінің павильонына ие болып, сол арқылы ұйымның қоршаған ортаны жақсартудағы үлесі мен экологиялық бағдарламаларды қолдап отырғанын көрсету өте маңызды екенін айтты. ЭКСПО-2017 Көрмесінің қарсаңында ШЫҰ Қытайда Көрме және өз павильонының тұсаукесерін өткізбекші.

Бас Хатшы Ахметжан Есімовқа ШЫҰ павильонының стратегиялық орналасуына, ұйымның негізгі екі ойыншысының қасында жайғасуы үшін алғыс білдірді.

2017 жылдың маусымның 10 мен қыркүйектің 10 арасында Астана қаласында 5 миллион келушілері күтілетін Халықаралық мамандандырылған көрме өтеді.