Н.Нығматулин: Инновациялық әдістерді өнеркәсіпке енгізу экономиканың техникалық жаңаруын жеделдетеді

Палатада хабарлағандай, бірінші оқылымда зияткерлік мүлік саласына қатысты заңнаманы  жетілдіру  мәселелері талқыланды.

«Елбасы ғылыми әзірлемелерден тәжірибелік әсер алуды жүзеге асыруды тапсырды, ал отандық бизнес  аталмыш әзірлемелерді енгізу негізінде  сыртқы нарықта бәсекеге ие өнімді шығаруы керек. Инновациялық  әдістерді  өнеркәсіпке   енгізу  экономиканы  техникалық жаңаруын   жеделдетеді», - деді Н.Нығматулин.

Мәжіліс спикері атап өткендей, бүгінде ғылым дәрежесі мен ғылымдық білім емес,  нарықта қажеттілік туғызатын  инновациялық әзірлемелер зияткерлік мүлік болып табылады.

«Ғылыми атақ үшін жұмыс істеу дәуірі өткен. Бүгінде  нарық жағдайында ғылым ақша табуды үйренуі керек. Бұл уақыт  талабы», - деді Н.Нығматулин.

Мәжіліс төрағасы атап өткендей, екінші оқылымға дейін  Президент  тапсырмаларын  орындауға қажетті барлық ұсыныстар енгізілуі керек.

Заң жобасы Қазақстандағы зияткерлік мүлік нысандарын  қорғау мен  күзету үрдістерін жақсартуды қарастырады.