Ақмола облысының елді мекендері мәдениет нысандарымен 90%-ға қамтылған

Бүгінде Ақмола облысында 701 мәдениет нысаны бар. Бұдан басқа, аймақта 2484 клубтық құрылымдар жұмыс істейді, оның ішінде 1870-і жеке өнерпаздық шығармашылық ұжым болып табылады. Оларға шамамен  23 мың ақмолалық  қатысады.

«Жас талантты орындаушылар халықаралық, республикалық және облыстық байқаулар мен фестивальдарға белсенді қатысып келеді. Сонымен, өткен жылы Зеренді ауданының жас орындаушысы Серәлі Балтабай Астанада өткен «Жас өнер байқауы» атты  VI  халықаралық ән байқауында үшінші орынды иеленді», –  деді С. Бұрбаева.

Оның айтуынша, Ақмола облысында 11 музей жұмыс істейді, олардың қорында 155 мыңна астам экспонаттар сақталған. Өткен жылдың ішінде 3 мыңнан астам экскурсия, 481 лекция мен 762 көрме ұйымдастырылды. Сонымен қатар, екі облыстық театр 602 қойылым қойса, оларды тамашалауға 72 мың көрермен келген.