Ақмола облысының мәдениет саласын қаржыландыру 40%-ға артты

Спикердің айтуынша, соңғы үш жылда мәдениет саласын қаржыландыру 40%-дан асты. Өткен жылы мәдениет саласының бюджеті 4 млрд 290 млн теңгені құрады.

«Нәтижесінде мәдениет мекемелері мен кәсіпорындарының материалдық-техникалық базасы айтарлықтай нығайды. Соңғы үш жылда бюджет есебінен 52 мәдениет нысаны 810 млн теңгеден астам қаржыға жөндеуден өткізілді. Оның ішінде 34 нысан өткен жылы қалпына келтірілген болатын», – деп хабарлады  С. Бұрбаева.

Бұдан басқа, МЖӘ аясында 87 нысан жөндеуден өткізілді. Мысалы,  Целиноград ауданында «Астық»ЖШС-ның күшімен  Воздвиженка  ауылының Мәдениет үйіне 17 млн теңгеге, Сандықтау ауданында «Жабай»ЖШС  Петровск ауылының клубына 30 млн теңгеге күрделі жөндеу жұмысын жүргізді.

Егер 2015 жылы мемлекеттік-жеке әріптестік аясында мәдениет нысандарының материалдық техникалық базасын нығайтуға 140 млн теңгеден астам қаражат бөлінсе, өткен жылы шамамен  168 млн теңге қарастырылды.