ЭКСПО-2017 кезінде инженерлер мен ғалымдардың дүниежүзілік конгресі өтеді
4 Сәуір, 2017 11:57
ЭКСПО-2017 кезінде инженерлер мен ғалымдардың дүниежүзілік конгресі өтеді, деп хабарлады Ұлттық компанияның баспасөз қызметі.
Осынау жоғары деңгейдегі Конгресс Қазақстанда ғана емес, Орталық Азияның өзінде алғаш рет өткізіледі.
Конгресс жұмысына әлемнің 50 елінен 1000 астам делегат, соның ішінде Нобель және "ЖаҺандық энергия" халықаралық сыйлығының лауреаттары, әйгілі сарапшылар, көрнекті ғалымдар мен әлемдік энергетикалық компаниялардың өкілдері қатысады.
Конгресс жұмысы жаҺандық энергетикалық түйткілдердің жаңа шешімдерін іздеу, кадрларды, технологияларды, зерттемелер мен инновацияларды дайындауға бағытталған.
