Қазақстан Қытайға қой етін экспорттауды қалпына келтіреді
ҚР АШМ Бейжіңдегі қытай кәсіпкерлерімен кездесу өткізді. Қазіргі таңда санитарлық ветеринарлық және фитосанитарлық шаралар бойынша келіссөздер жүргізілуде.
«Қазақстандық жеткізушілер ЕАЭО елдері бойынша еркін қозғала алады, олар үшін ешқандай да кедергілер жоқ, сол себепті де ЕАЭО нарықтары таңдалды. Қазақстан, сондай-ақ, өзге елдермен салыстырғанда Қытай нарығында да белгілі бір артықшылықтарға ие. Мәселен, өнім өндірісі көлемінің ауқымды әрі өзіндік құны төмен болатын елдер бар. Экспорттың барынша басымдықты нарықтары ретінде ЕАЭО, ҚХР, Иран және Парсы шығанағы елдері анықталды», - деді ол.
Сондай-ақ, министрлік ҚР СІМ мен ИДМ бойынша бірлескен бұйрықтарды жүзеге асыру бойынша жұмысты бастап кетті.
«Қытай Қазақстанның стратегиялық серктесі болып табылады. Біздің Мемлекет басшылары үнемі экономикалық жағдайдағы өзара тиімді ынтымақтастықты талқылап жүр. Оның ішінде Қазақстанның өңдеу саласын инвестициялау және қазақстандық ауыл шаруашылық өнімін Қытайға экспорттау да бар», - деді Г.Исаева.
Ол айтып өткендей, ҚХР-ға ауыл шаруашылығы өнімдерін жеткізу үшін Қытай нарығындағы талаптарға сәйкес, кедергілерді алып тастау жұмысын жүргізу қажет.
Вице-министрдің айтуынша, қазақстандық ветеринарлық қызмет қой еті бойынша ветеринарлық-санитарлық талапқа сай шараларды жүргізуде.
«Екінші жарты жылдықта қой етін экспорттау басталады», - деді Г.Исаева.
Қытай инспекциялық тобы 8 қытайлық маман мен екі ҚХР ведомствосынан құралады.
Айта кетейік, өткен жылдың мамырында қытайлық тарап ветеринарлық қызмет инспекциясын жүргізді, қыркүйекте Қазақстанның 9 облысына кедергілерді алып тастады.
Қайрат Жандыбаев
