Сенат кезекті палата отырысының күн тәртібін белгіледі

3 Сәуір, 2017 15:03

Сенат төрағасы Қасым-Жомарт Тоқаевтың төрағалығымен өткен ҚР Парламенті Сенат Бюросының отырысында Мәжілістен келіп түскен заң жобалары реттелді.

Конституциялық заңнама, сот жүйесі және құқық қорғау органдарының комитеті «Халықаралық жеке құқық жөніндегі Гаага конференциясының Жарғысын ратификациялау туралы» заң жобасын одан әрі пысықтау әрі қорытынды әзірлеу бойынша жауапты болды.

Ал, «Қазақстан Республикасының кейбір заңнамалық актілеріне дене шынықтыру және спорт мәселелері бойынша өзгерістер мен толықтырулар енгізу туралы» заң жобасы бойынша бас комитет болып Әлеуметтік-мәдени даму және ғылым комитеті белгіленді.

Палатадан хабарлағандай, Бюроға Палатаның 2017 жылы 6 сәуірде өтетін кезекті отырысының күн тәртібі бойынша ұсыныстар да енгізілді.

Сенаторлар заңнамаға әуе кеңістігін пайдалану және авиация қызметі мәселелері бойынша түзетулерді, «Коллекторлық қызмет туралы» және «Қазақстан Республикасының кейбір заңнамалық актілеріне коллекторлық қызмет мәселелері бойынша өзгерістер мен толықтырулар енгізу туралы» ілеспе заң жобасын қарайтын болды.

Барлық жаңалықтар