Н.Назарбаев Бакудегі Шахидтер аллеясындағы мәңгілік алауға гүл шоғын қойды
3 Сәуір, 2017 13:38
Нұрсұлтан Назарбаев Шахидтер аллеясындағы мәңгілік алау мен Әзербайжанның жалпыұлттық көшбасшысы Гейдар Әлиевтің бейітіне гүл шоғын қою рәсіміне қатысты, деп хабарлады Ақорданың баспасөз қызметі.
Қазақстан Президенті Әзербайжанның азаттығы мен аумақтық тұтастығы жолында қаза тапқан батыр перзенттері жерленген Шахидтер аллеясындағы мәңгілік алауға гүл шоғын қойды.
Сондай-ақ, Мемлекет басшысы Әзербайжанның жалпыұлттық көшбасшысы Гейдар Әлиев пен оның зайыбы Зарифа Әлиеваның бейітіне гүл шоғын қойды.
