Пласидо Доминго «Астана Опера» театрында өнер көрсетеді
«Театрдың үлкен залының сахнасында заманымыздың әйгілі вокалисті Жорж Жермон партиясын орындайды. Бүгінде спектакльге билеттер сатылымға түсті», - делінген хабарламада.
Айта кетерлік жайт, өнерпаз ҚР Мәдениет және спорт министрлігінің қолдауымен ЭКСПО-2017 бағдарламасы аясында өнер көрсететін болады.
Пласидо Доминго классикалық музыканы сүйіп тыңдаушылар арасында ғана емес, күллі әлемге әйгілі.
Маэстроның есімі биске ең көп шақырылуы (101 рет) және репертуар көлемі бойынша Гиннестің рекордтар кітабына енген: 2016 жылға қарай орындаған рөлдер саны – 147 және әлемнің үздік сахналарында 3800 рет өнер көрсеткен. Пласидо Домингоның дирижерлік тұғырға шыққаны 500 реттен асады және жүзден астам фильмдердің түсіріліміне, аудио және видео жазбаларға қатысқан.
