• Басты
  • «Ла Скала» театры ЭКСПО кезеңінде Астанада өнер көрсетеді
31 Наурыз, 2017 19:51

«Ла Скала» театры ЭКСПО кезеңінде Астанада өнер көрсетеді

Астанада тұңғыш рет итальяндық театр Ла Скала 250 адамнан тұратын толық құрамда өнер көрсетеді. Бұл туралы Мәдениет және спорт министрі Арыстанбек Мұхамедиұлы журналистердің қатысуымен өткен баспасөз мәслихатында мәлімдеді.
«Ла Скала» театры  ЭКСПО кезеңінде  Астанада өнер көрсетеді

«Театр құрамында оркестр, хор, солистер  өнер көрсетеді, оған қоса   техникалық құрам бар. Бас дирижер әлемге танымал Зубин Мета болмақ. Бұл біз үшін үлкен қуаныш, себебі опера және классикалық өнер саласындағы үздік дирижер біздің елде өнер көрсетеді», - деді А.Мұхамедиұлы.

Министрдің айтуынша, 1-10 қыркүйек аралығында Астана Опера мен Ла Скала театрлары арасында келісім орнатылды. Ла Скала  қазақстандық көрерменге сазгер Джузеппе Вердидің «Фальстаф», Л. Бетховеннің №9 симфониясын ұсынады.

«Ла Скала театрының барлық шығынын «ENI» компаниясының тобы жабады. Аталмыш компаниямен  100 пайыздық келісім орнатылды. Айта кетерлігі, «Ла Скала» театры Ресейден өзге посткеңестік  кеңістікте алғаш рет өнер көрсетеді», - деді ведомство басшысы.

А.Мұхамедиұлы айтып өткендей, итальяндық  театр  ұжымын Астана Опера  театры қызықтырып отыр. Оған қоса, елордада  «Опералия» опералық әншілердің халықаралық байқауы өтеді.

«Біз «Астана Опера» театры әлемдік жұлдыздардың назарын аударып жатқанына қуанамыз. ЭКСПО аясында «Опералия» байқауының  қорытынды бөлігін өткізеді. Оның көркем жетекшісі Пласидо Доминго. Осы орайда айта кедерлігі, «Опералия» байқауының  шығындардың  70 пайызын «Rolex» демеуші компаниясы өтейді», - деді А.Мұхамедиұлы.

Министр айтып өткендей,халықаралық байқау билеттері сатылымда,  қазірдің өзінде сатылған билет саны  300-ді құрады. Бұл орайда ол  Ла Скала театрына билет сату  әлі басталмады, себебі билет құнын негізгі серіктеспен келісу керек. Жақын арада , келесі аптадан бастап билеттерді сатып алу мүмкіндігі туады.

«Астанада Мариин театрының қойылымы өтеді. Аталмыш театр Қазақстанға екі мәрте келді. Бұл жолы Дж. Вердидің «Симон Бокканегра» операсы мен Мендельсонның   «Сон в летнюю ночь» балетін паш етеді. Театр дирижері - Валерий Гергиев. Шығындарды театрдың демеушісі RNS компаниялар тобы өтейді», - деді спикер.

Министрдің мәліметінше, барлық шаралардың жалпы шығыны  9 млрд теңгені құрайды.Бұл соманың 90 пайызы қазақстындық  ұлттық ұжымдардың шығынын өтейді.

Ақбота Күзекбай

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды