31 Наурыз, 2017 14:32

Қостанай облысында екі үй пайдалануға берілді

Қостанай облысының әкімі А.Б. Мұхамбетов Қостанай ауданы Заречное ауылында екі жаңа үйлердегі пәтерлердің кілттерін табыс етті, деп хабарлады облыс әкімдігінің баспасөз қызметі.

«Нұрлы жол» мемлекеттік бағдарламасының шеңберінде 2015-2019 жылдарға арналған Заречное ауылындағы «Солтүстік» шағын ауданында 48 пәтерлі екі тұрғын үй құрылысына қаражат бөлінген болатын.

«Бүгін біз 20 жаңа қоныстанушыға пәтерлердің кілттерін табыстап отырмыз, сондай-ақ жақын арада тағы 76 отбасы жаңа үйге қоныстанады. Мемлекет басшысының тұрғындарды қолжетімді баспанамен қамтамасыз ету тапсырмасын біз уақытында орындауға тырысамыз. Бүгінгі күні Қостанай ауданының көптеген тұрғындарында жинаған қаражаты бар, олар Тұрғын үй құрылыс жинақ банкі арқылы пәтер алуға мүмкіндіктері бар. Бұл үйлерде мемлекеттік қызметшілер, әлеуметтік сала жұмыскерлері мен өзге да азаматтар тұратын болады», - деп айтты облыс әкімі.

Осы шағын аудандағы тұрғын үй құрылысы жалғасатынын атап өткен жөн. Тағы көпқабатты 9 үйдің құрылысы жоспарлануда.