50 отандық өндірушіге халықаралық сертификат алу шығындары өтелді
31 Наурыз, 2017 12:02
50 отандық өндірушіге халықаралық сертификат алу шығындарының тең жартысы өтелді, деп хабарлады Жергілікті қамтуды дамытудың Ұлттық агенттігі «NADLoC» АҚ.
Хабарланғандай, индустриялық-инновациялық қызмет саласындағы 50 субъектінің 91 595,0 мың теңге көлеміндегі шығыны өтелді. Аталған 50 өтініш өткен жылдан биылғы жылға көшірілген болатын.
Шығынның орнын толтыру 2015 жылдың 4 желтоқсанындағы №1164 тәртіпке негізделген, ол ҚР Инвестициялар және даму министрінің міндетін атқарушының бұйрығымен бекітілді.
Шығындардың тең жартысын өтеу 2004 жылдың 9 қарашасындағы «Техникалық реттеу туралы» заңына сәйкес, отандық өңделген тауарлардың сәйкестігі, жалпыланған халықаралық стандарттарға сай менеджмент жүйесінің қызметі мен сапасының жоғарылығы талаптары бойынша жүзеге асырылады.
