ОҚО-да 111 жол қызметінің нысаны Ұлттық стандартқа сәйкестендіріледі
30 Наурыз, 2017 18:36
ОҚО-да 111 жол сервисінің нысаны Ұлттық стандартқа сәйкестендіріледі, деп хабарлады «ҚазАвтоЖол» АҚ.
Қазақстанда бүгінгі таңда 2,5 мың жол сервисінің нысаны жұмыс істейді, оның 80 пайыздан астамы бекітілген стандарттарға жауап береді.
« «Нұрлы жол» инфрақұрылымын дамыту мемлекеттік бағдарламасы аясында 2017 жылы республика бойынша Ұлттық стандартқа жол сервисінің 850 нысаны сәйкестендіріледі. Оның ішінде ОҚО-да 111 нысан сәйкестендірілмек», - делінген хабарламада.
Айта кетерлігі, республикалық маңыздағы автомобиль жолдарының жанынан ОҚО-дан 847 шақырым жерде жол сервисі мен сауда нысанының 529 мекемесі орнатылған. Оның 227 нысаны жергілікті пункттер шекарасында орнатылған.
