Стамбулда Қазақстан-Түркия бизнес-форумы өтеді
19 Желтоқсан, 2013 09:32
Ертең, 20 желтоқан Стамбулда Қазақстан-Түркия бизнес-форумы өтеді, деп хабарлайды ҚР Сауда-өнеркәсіптік палатасының баспасөз қызметі.
«Іскерлік орта өкілдері мен ресми тұлғалар машинақұрылысы, агроөнеркәсіптік кешен, тау-кен секторы, энергетика, медицина мен фармацевтика саласындағы әріптестік мәселелерін талқылап, екі елдің инвестициялық мүмкіндіктерін қарастырады», - делінген хабарламада.
Шара аясында қазақстандық және түркиялық компания өкілдерінің екі жақты кездесулері ұйымдастырылады.
Естеріңізге сала кетейік, Түркия Қазақстанның маңызды сауда-экономикалық әріптесі болып табылады.
ҚР Статистика агенттігінің мәліметінше, Қазақстан мен Түркия арасындағы екіжақты сауда айналымының көлемі 2012 жылы 3,5 млрд долларға жетсе, 2013 жылдың қаңтар-қыркүйек айлары аралығында 2,6 млрд долларды құраған.
