«Қорғасқа» тәулігіне үш мың адам кіреді

29 Наурыз, 2017 20:03

Қазақстан тарапынан туристік ағынның өсуі 2016 жылғы 1 қарашадан бастап Қазақстан азаматтарының жеке куәлігі арқылы өтуіне мүмкіндік берілуіне байланысты болып отыр, деп хабарлады «Қорғас» ХШЫО» баспасөз қызметі.

«Қытай тарапынан да келушілер қатары көбеюде. 2016 жылы Қорғаста 2 миллион 500 мың адам болды»,-дейді «Қорғас» ХШЫО» АҚ халықаралық серіктестік және инвестициялар басқармасының бастығы Құрбанжан Ахметов.

Оның айтуынша, қытайлық сұраныс иелері негізінен, экологиялық таза тағамдарға –оның ішінде нан өнімдері, ет, кондитерлік тағамдарды көптеп сатып алады. Әсіресе, қазақстандық омарташылардың балдары мен отандық өнім өндірушілердің минеральдық суларына сұраныс жоғары. Сыйлықтар мен әшекей бұйымдарына да қызығушылық басым».

2016 жылы қытайлық тұтынушылар қазақстандық өнім өндірушілерден 436 миллион доллардың түрлі тауарларын сатып алған.

Шекаралық сауданың қарқынды дамуы бірқатар кедендік ресімдеу мен визалық жеңілдіктердің жасалуынан да болып отыр. Жақында «Қорғас ХШЫО» АҚ шекаралық бақылау орны ашылғалы бері қазақстан тарабына екі миллионыншы адамның кіргендігі белгілі болды. Ол Оңтүстік Қазақстан облысының Ленгер қаласының тұрғыны кәсіпкер С. Жүсіпова болып шықты. Оған «Наурыз мейрамы-2017» мерекелік шарасы кезінде естелік сыйлық берілді.

Барлық жаңалықтар