WorldSkills Kazakhstan қозғалысы 2017 жылдың сәуірінде өтеді

«Бүгінде өндірісте жаңа жұмыс орындар бар, ол жұмыс кадрларының білікті дайындығын қажет етеді. Кез келген өндірістің жетістігі кадрлық саясатқа байланысты. Елбасының 100 нақты қадам-Ұлт жоспарының жүзеге асырылуы  аясында  жұмыс кадрының беделін көтеру жүзеге асырылуда», - деді Р.Ширгатова.

Ол айтып өткендей, «Кәсіпқор Холдинг» ҰАБ ұлттық операторы  мен облыстық білім беру басқармасы  жыл сайынғы  өңірлік және ұлттық WorldSkills Kazakhstan шарасын өткізеді.

«WorldSkills – Еуропа мен өзге елдерде расталған  жастармен жұмыс істеудің  әлемдік  ұйымы. Аталмыш  қозғалыс үздік әлемдік тәжірибе  мен кәсіптік стандарттар арқылы жүзеге асырылды. Сайыс үшінші жыл қатарынан жүзеге асырылуда.

Астанаға World Skills Kazakhstan-2016 чемпионатына еліміздің 16 аймағынан 140 қатысушы байғауға келген болатын.  Чемпионатқа 27  құзырет бойынша жарыстар кіреді: мейрамхана ісі (аспазшы), мейрамханаға қызмет көрсету, кондитерлік, шаштараз және басқалар. Жеңімпаздар ұлттық құрамаға кіреді және Қазақстанның намысын Швейцарияда өтетін Еуропалық турнирде қорғайтын болады.

«Бүгінгі күні Қауымдастықтың құрамына 75 мемлекет кіреді. 2014 жылы Қазақстан World Skills қауымдастығының 70-ші қатысушы елі болды. 2015 жылы Қазақстанда алғаш рет World Skills Kazakhstan Ұлттық чемпионаты өткізілді және ол жерге ҚР-ның 14 облысы мен Астана және Алматы қаласынан келген 70 адам қатысты», - деді ол.

Айта кетейік, WorldSkills – бұл дүниежүзінің 76 мемлекеті қатысатын халықаралық қозғалыс. Оның басты мақсаты – жұмысшы мамандықтарының дәрежесін арттыру және дәріптеу болып саналады. WorldSkills қозғалысы, сонымен қатар EuroSkills жастарды жұмысшы мамандығын меңгеруге тартады және әлемдік аренада еліміздің мамандарына алған кәсіптік дағдылары мен құзіреттіліктерін көрсетуге мүмкіндік береді. 

Қайрат Жандыбаев