• Басты
  • Мәжілісте спорт түрлерін қаржыландыру өзгертулері мақұлданды
29 Наурыз, 2017 11:52

Мәжілісте спорт түрлерін қаржыландыру өзгертулері мақұлданды

«Қазақстан Республикасының кейбір заңнамалық актілеріне дене шынықтыру және спорт мәселелері бойынша өзгерістер мен толықтырулар енгізу туралы» Қазақстан Республикасының Заң жобасы спорт түрлерін қаржыландыру мақсатында әзірленді. Бұл туралы Парламент Мәжілісінің депутаты Наталья Жұмаділдаева төменгі палатаның жалпы отырысында мәлімдеді.

Мәжілісте спорт түрлерін қаржыландыру өзгертулері мақұлданды | Strategy2050.kz

ҚР дене шынықтыру және спорт туралы   Заң жобасының жобасы биылғы жылғы 1 наурызда   ҚР Мәжілісінің  жалпы отырысында мақұлданды.

«Заң жобасының негізгі мақсаты дене шынықтыру мен спортты қаржыландырудың қолданыстағы жүйесін жетілдіру, қаржыландыру жүйесінің айқындылығы мен нақтылығын  арттыру болып табылады.Спорт түрлері бойынша қаржыландыруды бөлудің қолданыстағы тәртібі тиімділік пен объективтіліктің төмен деңгейімен сипатталады. Қазақстан Республикасының өңірлерінде спортты қаржыландыру негізінен спорттың ойын түрлеріне бағытталған», - деді депутат.

Заң жобасы қабылданған жағдайда республикалық және облыстық деңгейлерде спорт түрлерін нақты және дербес  қаржыландыруды бөлуге  кепілдік беретін спортты қаржыландырудың жеке моделі әзірленетін болады.

«Бюджеттік қаражатты  бөлу кезінде спортты саралау басымдылыққа алынады.  Негізгі талап – халықаралық жарыстардағы спорттық жетістіктер, ұлттық-мәдени дәстүрлі спорт түрі, кадрлық әлеуеттің  саны мен материалдық-техникалық база», - деді ол.

Заң жобасымен жұмыс кезінде депутаттар бірқатар ұсыныстар енгізді. Мәжілісмендер жобаны екінші оқылымда мақұлдады.

Ақбота Күзекбай

 

 

 

 

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды