ҚР министрлік өкілдері малайзиялық әріптестерімен екіжақты сауда-экономикалық және саяси әріптестік мәселелерін талқылады
«Делегация құрамына сыртқы істер министрлігі, ішкі істер министрлігі, қаржы, индустрия және жаңа технологиялар, еңбек және халықты әлеуметтік қорғау министрлігі мен ҚР Ұлттық қауіпсіздік комитеті өкілдері кірді», - делінген хабарламада.
Сапар барысында Малайзияның ішкі істер министрінің орынбасары Дато Ван Джафар, премьер-министр кеңесшісі Шахризат Абдул Джалила,(CIDB) құрылыс индустриясы даму кеңесінің директоры Дато Джуддин Абдул Карим, (MATRADE) ішкі сауданы дамыту бойынша мемлекеттік корпорациясының директоры Дато Вонг Лай Сам, сыртқы істер министрлігі, индустрия және халықаралық сауда министрлігі, сонымен қатар мемлекеттік-жеке меншік әріптестік кәсіпкерлігі басшылығымен кездесулер өткізілді.
Малазия тарабы екі ел арасындағы саяси диалогтың даму динамикасын жоғары бағалады. Соның ішінде Қазақстанның тәуелсіздік жылдарында қол жеткізген әлеуметтік-экономикалық және сыртқы саяси жетістіктеріне тоқталды.
Кездесу барысында сауда-экономикалық және саяси әріптестік мәселелері, қауіпсіздік мәселесі, туризмді дамыту, алдыңғы қатарлы технологияларды қолданудың жай-күйі сөз болды.
