ҚР СІМ-ге кадр іріктеудегі басты талап меритократия болмақ
27 Наурыз, 2017 17:53
Қазақстанның сыртқы істер ведомствосының беделі кадрлардың біліктілігі мен кәсіптілігіне байланысты. Бұл туралы Сыртқы істер министрі Қайрат Әбдірахманов ведомство коллегиясында мәлімдеді.
Министрдің айтуынша, бірінші институционалдық реформаны жүзеге асыру аясында кәсіптік мемлекеттік аппаратты қалыптастыруда басымдылыққа кадрлық саясатты жетілдіру мен ішкі ротацияны жоспарлы түрде жүргізу шаралары жатады.
«Қазақстанның сыртқы істер ведомствосының беделі кадрлардың біліктілігі мен кәсіптілігіне байланысты», - деді министр.
Ол айтып өткендей, талаптарды күшейту саласында міндеттер мен қажеттіліктерді қайта қараған жөн.
Айта кетейік, Сыртқы істер министрі Қайрат Әбдірахманов экономикалық дипломатияны нығайту – Сыртқы істер министрлігі мен Қазақстанның шекаралық мекемелерінің бірінші деңгейлі ісі екенін айтқан болатын.
Қайрат Жандыбаев
