• Басты
  • Шағын және орта бизнеске 18 млн теңгеге дейін несие беріледі
27 Наурыз, 2017 11:21

Шағын және орта бизнеске 18 млн теңгеге дейін несие беріледі

Өнімді жұмыспен қамту және бұқаралық кәсіпкерлікті дамыту бағдарламасы аясында шағын несиелер 7 жылға 18 млн теңгеге дейін беріледі, түпкілікті сыйақы ставкасы 6 пайызды құрайды. Бұл туралы Ұлттық экономика министрі Тимур Сүлейменов Мәжілістегі Үкіметтік сағатта айтты.

Шағын және орта бизнеске  18 млн теңгеге дейін несие беріледі | Strategy2050.kz

«Бағдарлама кәсіпкерлік әлеуетті арттыруға, өз ісін дөңгелетуді ауылдық жерде ашуға жағдай жасайды. Бұқаралық кәсіпкерлікті дамытуды ынталандыру үшін  шағын несиелеу көлемі  кеңейтілді, мемлекет тарапынан  кепілдендіру мүмкіндігі берілді», - деді Т.Сүлейменов.

Оның айтуынша, аталмыш шаралар қаржыландыру тапшылығы мен ауылдық жерде қамсыздандыру  проблемаларын шешуге бағытталған.

«Бағдарлама аясында шағын несиелер 8 мың АЕК (18 млн теңге) көлемінде 7 жылға  беріледі, түпкілікті сыйақы ставкасы  6 пайызды құрайды. Несиелеу нарығында  шағын несие құны  22 пайыздан 35 пайызды құрайтынын ескерсек,  бағдарлама аясындағы несие бизнес жобаны жүзеге асыруда әлдеқайда тиімді болып табылады. Қалаларда шағын несиелер «Даму» АҚ, ауылдық жердлерде «Аграрлық несиелік корпорация» АҚ арқылы беріледі», - деді министр.

Айта кетейік, елдегі экономикалық белсенді халық 8,9 млн. адамды құрайды. Олардың ішінде 6,3 млн адам жалдамалы жұмыскерлер, 2,1 млн өзін-өзі жұмыспен қамтығандар және 447 мың адам жұмыссыз халық.

Ел халқының жалпы санының 3 миллионнан астамы шағын және орта бизнес секторында жұмыспен қамтылған. Өткен жылдың қорытындысы бойынша жұмыс істеп тұрған ШОБ субъектілерінің саны 1,1 млн бірлікті құрады. Олар 9 айда 11,2 трлн теңге сомаға өнім шығарды.

Қайрат Жандыбаев

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды