• Басты
  • «Шашу» фестивалі ересектер арасынан да талантты адамдарды іздемек – Т.Рахат (ВИДЕО)
25 Наурыз, 2017 15:16

«Шашу» фестивалі ересектер арасынан да талантты адамдарды іздемек – Т.Рахат (ВИДЕО)

Астанада «Шашу» халықаралық өнер фестивалі өз есігін ашты. Оған көрші елдерден және Қазақстанның әр түрлі өңірлерінен 700-ден астам талантты бала қатысуда. Осы халықаралық байқауды бір жылдан кейін қалай өткізудің жоспарланып отырғаны жайында мәдениет қайраткері, «Шашу» халықаралық өнер фестивалінің ұйымдастырушысы Тауыржан Рахат айтып берді.

«Шашу» фестивалі ересектер арасынан да талантты адамдарды іздемек – Т.Рахат (ВИДЕО) | Strategy2050.kz

Т. Рахат айтып өткендей, осы ауқымды мәдени іс-шараның басты мақсаты – қатысушыларды Қазақстанның мүсіндік байлығымен таныстыру және басқа елдермен тәжірибе алмасу.

«Қазақстанда өз шығармашылығын шет елдерде көрсетіп жатқан ұжымдар өте көп. Байқаудың абсолюттік жеңімпазын 13-20 мамырда Анталья қаласында (Түркия) өтетін «International art festival» фестиваліне қатысу күтеді. Сондай-ақ, фестиваль лауреаттарына «International art festival» фестиваліне қатысуға 20 және 50% жеңілдік берілетін сертификаттар табысталады», – деп нақтылады Т. Рахат.

Биыл іс-шараға Ресей Федерациясы (Новосибирск), Қырғызстан, Саха Республикасы қатысуда. Фестивальға қатысуға Өзбекстан Республикасы да ниет білдірді.  

Ұйымдастырушы қатысушылардың жас санаттары туралы да айтып өтті – болашақта жас шектеулерін алып тастау жоспарланып отыр.

«Бүгінгі фестивальдарға қатысу үшін жас шектеулері қойылған. Біздің алдағы жылдарға қойып отырған міндетіміз – жас шектеулерін алып тастау. Себебі бұл өнер фестивалі, оған барлығы қатысуы тиіс. Осы міндет бойынша жұмыс жасап жатырмыз және алдағы уақытта ересектер арасынан да таланттыларды іздейтін боламыз. Бұл өте қызықты болады деп ойлаймын», – деп бөлісті ұйымдастырушы.

Ақбота Күзекбай

Видео Арман Мұхатов

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды