Астананың орыс драма театры Ресей Президентінің алғысымен марапатталды (ФОТО)

25 Наурыз, 2017 10:46

М. Горький атындағы МАОДТ-да Театр күні атап өтілді. Биыл астаналық драма театры жоғары марапатқа – РФ Президенті Владимир Путиннің алғысына ие болды.

Бұл күні театр достары мен қонақтарын көптеген тосын сыйлар күтті: театр холында олардың әрқайсысына шампан, театрдың фирмалық тәттілері, қымыз және бауырсақ, наурыз-көже таратылды.

Театрда хабарлағандай, салтанатты рәсім театрдың директоры – ҚР еңбек сіңірген қайраткері Еркін Қасеновтың құттықтау сөзінен басталды, ол барша қатысып отырғандарға театрға деген сүйіспеншілігі үшін алғыс білдірді. 2017 жылы Еркін Қасеновтың осы театрды басқарып отырғанына он жыл толды. Оның басшылығымен театр «Академиялық» мәртебесіне ие болып, өзін тек Ресей мен ТМД елдерінде ғана емес, сонымен қатар Азия мен Еуропада да мойындатты.

Алайда, директордың шығармашылық мерейтойы – биылғы жылдың есте қаларлық жалғыз оқиғасы емес: М. Горький атындағы МАОДТ орыс мәдениетін сақтау және насихаттау үшін берілетін РФ Президенті В.В. Путиннің жоғары наградасына ие болды. Театрға награданы Ресейдің Қазақстандағы Төтенше және Өкілетті Елшісі Михаил Бочарников табыс етті.

Театр жұмысын жалпы бағалаудан кейін театрдың жекелеген қызметкерлері де марапатталды.

Шараның салтанатты бөлігі аяқталғаннан кейін театр атынан естелік сыйлықтар ұтыстары және байқаулар өткізілді.