Халықаралық сарапшылар: Қазақстан дамыған 30 елдің қатарына уақытынан бұрын кіруі мүмкін
Ұлыбритания, Германия, АҚШ, Швейцария мен өзге де елдердің Ресей Экономикалық стратегия институтының ғылым академиясы базасындағы халықаралық сарапшылар тобы жыл сайын орыс, ағылшын және қытай тілдерінде 100 елдің Жаһандық интеграциялық қуат рейтингін шығарады.
Профессор Александр Агеевтың айтуынша, көптеген әлемдік рейтингтер белгілі бір экономикалық көрсеткіштерге негізделді. Ал Жаһандық интеграциялық қуат рейтингі алдыңғы қатарлы математикалық модель мен экономикалық индикаторларға сүйенеді. Соның ішінде ішкі саяси тұрақтылық, ішкі саясат, ұлттық қауіпсіздік, бедел мен мемлекеттік көшбасшы ықпалы мен олардың халықаралық ареналардағы бастамалары қамтылған.
Профессор Агееевтің айтуынша, Жаһандық интеграциялық қуат бойынша Қазақстан 34-інші орыннан көрінеді.
Оның айтуынша, Қазақстан осы жолда айтарлықтай экономикалық белестерді бағындырған, тұрақты, егеменді ел болған.Оған басты себеп Мемлекет басшысының көрегенді саясаты көрінеді.
Қазақстанның Нұрсұлтан Назарбаев билігіндегі 22 жылдық даму нәтижесі қоғамның барлық саласында оң әсерін әкелді.
Сонымен қатар, ол бұл жетістіктерге жетудің кепілі ретінде ұзақ мерзімді жоспарлау мен «Қазақстан-2050» Стратегиясы екенін де айта кетті.
«10-15 жыл бұрын Қазақстанды осы рейтингте 34-інші орында тұрады деп елестету мүмкін емес еді. Біздің сараптамаға сай, 2025 жылы Қазақстан 10 орын жоғарылап, 24-інші орынға жететін болады»,- деді Р. Мэтьюз.
Оның айтуынша, бүгінде Қазақстан жоғарғы экономикалық көрсеткіштерге қол жеткізіп, әлемдік рейтингтерде топ жарған мемлекеттердің қатарынан көрінеді.
Аталмыш монографияға сәйкес, Қазақстан «Қазақстан-2050» Стратегиясын уақытынан бұрын тәмамдауға әбден қауқарлы екенін айтты профессор.
«Зерттеулер қорытындысына сай, Қазақстанда дамыған 30-дыққа енуге барлық жағдай бар. Біздің алдын ала болжам бойынша, осы қарқынмен кете берсе, Қазақстан 2025 жылы-ақ аталмыш мақсатты бағындырмақ», - деді Р.Мэтьюз.
