ДСМ медициналық сақтандыру саласына жеке клиникалардан мамандарды тартуды ұсынды (ФОТО)

24 Наурыз, 2017 13:46

Денсаулық сақтау министрлігі медициналық сақтандыру саласына жеке клиникалардан мамандарды тартуды ұсынды. Мәселен, мемлекеттік емханаларда дәрігерлердің жалақысын көтеру керек, себебі олардың көбі жеке клиникаларға кетіп жатады. Сондықтан да медициналық мекемелерде кадр тапшылығы болып жатады. Бұл туралы ҚР Денсаулық сақтау министрі Елжан Біртанов Астанадағы №5 емханаға бару кезінде айтты.

Министр айтып өткендей, клиникалардағы кезекті бірыңғай тізімге көшіру керек.

«Біз науқастарды іріктеуде нақтыланған технологияны енгізіп жатырмыз. Оған қоса, телефондық және инетернет-тіркеуді жүзеге асыру керек. Кезекті басқару – өте маңызды мәселе, себебі мамандардың тапшлыығы туып жатыр, оларды дұрыс іріктеу үшін аталмыш жүйелерді енгізу керек», - деді министр.

Е.Біртанов атап өткендей, Астанадағы емханаларда бірыңғай ақпараттық колл-орталық бар.

«Біз Астанадағы жедел жәрдем станциясына бардық. Онда да колл-орталық бар. Егер адам 103-ке қоңырау шалса, емханада кезексіз дәрігерге өту мүмкіндігі бар. Бұл жерде қызыл дәліз бойынша жұмыс істейді», - деді ведомство басшысы.

Министрдің айтуынша, тар мамандықтар мен лабораториялық ультрадауыс зерттеулерінің консультациялары бойынша мәселе баршылық.Көптеген елдерде аталмыш бағыттарды ортақ тәжірибе дәрігері қабылдайды. Содан кейін барып, тегін қызметке ие болуға мүмкіндік алады.

«Бұл орайда тар салада мамандардың жетіспеуі орын алып жатады. Сәйкесінше, кезек көбейеді. Бүгінгінің басты міндеті – жеке медициналық орталықтарды тегін медициналық көмектің кепілдендірілген көлеміне тарту, себебі адам үш ай күтпей-ақ, өзінің қажетті саласын таңдап алуы керек. Егер де маман сұранысқа ие болса, күтуге болады. Алайда, таңдау да көп болуы тиіс. Егер, науқас кардиологқа барса, ол бір-екі күн ішінде консультацияны алуы керек», - деді ол.

Е.Біртанов айтып өткендей, министрлік жеке медициналық орталықтарды денсаулық сақтаудың ортақ жүйесіне тартуы керек.

«Бүгінде бізде мемлекеттік мекемелер бөлек, онда кезек көп, мамандар тапшылығы басым, жалақы төмен. Ал, жеке сектор қарқындап өсуде, 10 есе өз бағасынан құны жоғары болатын қызметтер бар. Сондықтан бүгінгі таңда медициналық сақтандыру аясында аталмыш екі саланы біріктіру қажет. Біз жеке клиникалармен келіссөздер өткізіп, олардың мәселесін түсінуге тырысамыз. Елбасы айтып өткендей, жеке сектордың әкімшілік кедергілерін алып тастау керек», - деді спикер.

Министр айтып өткендей, бүгінгі таңда Үкімет бұл мәселені шешуде.

Ақбота Күзекбай

Фото:Арман Мұхатов