«Қазақстан Камератасы» ЭКСПО-2017 көрмесінде эксклюзивті концерттік бағдарламаларын ұсынбақ
24 Наурыз, 2017 13:09
21-23 маусымда әйгілі классикалық музыка ансамблі халық әртісі Гаухар Мырзабекованың басшылығымен ЭКСПО-2017 көрмесі алаңында өнер көрсетеді, деп хабарлады ұлттық компания.
«Қазақстан Камератасы» әнқұмарларды «The Beatles go Baroque» және «Көшпелілер әуені» атты екі бірегей бағдарламамен таныстырады.
«The Beatles go Baroque» бағдарламасы – барокко композиторларының стилінде көркемделген Битлздің аңызға айналған әндері. «Көшпелілер әуені» репертуарына түркі тілдес композиторлардың үздік туындылары енген.
Биыл «Қазақстан Камератасы» өзінің 20 жылдық мерейтойын атап өтпек.
