Қазақстан халқы Ассамблеясының 25-ші сессиясы 26 сәуірде өтеді
24 Наурыз, 2017 09:23
Елбасы Нұрсұлтан Назарбаев «Қазақстан халқы Ассамблеясының жиырма бесінші сессиясын шақыру туралы» қаулыға қол қойды, деп хабарлады Ақорданың баспасөз қызметі.
«Қазақстан халқы Ассамблеясының жиырма бесінші сессиясы 2017 жылғы 26 сәуір күні Астана қаласында Бейбітшілік және келісім сарайында «Жаңғырудың негізі – тұрақтылық, бірлік, келісім» күн тәртібімен шақырылсын.Қазақстан Республикасының Үкіметі Қазақстан халқы Ассамблеясының жиырма бесінші сессиясын өткізуді ұйымдастыру жөнінде шаралар қабылдасын», - делінген Қаулыда.
